كلمات أغاني شادية مكتوبة وبدون إيقاع

مقالات ذات صلة

كلمات أغاني ويجز مكتوبة وبدون إيقاع

كلمات أغاني أم كلثوم مكتوبة وبدون إيقاع

كلمات أغاني رومانسية مكتوبة وبدون إيقاع

احتفل محبي الفنانة شادية، بذكرى رحيلها، وتذكر الكثير من محبيها في مصر والوطن العربي الكثير من أغانيها، خلال السطور القادمة مجموعة منها.

1

اما عليك ياحبيبي كلام….أحلى كلام فالحب اتقال
عيني ياعيني الله ياسلام…ايه اجمل من كده يتقال
اتكلم ياحبيبي اتكلم….بتخلي العشاق تتعلم
وأنا بسمع منك أنغام…أما عليك ياحبيبي كلام
أحلى كلام

كلمني ..كلمني كتير…بياخدني كلامك وبطير
وبحس ان الدنيا جميله…وطريقنا مفروش بحرير
أنا جايه ياحبيبي منين؟…وواخدني كلامك على فين؟
مش عارفه غير انك جنبي…ومفيش فالدنيا غير اتنين
ياعنيه ده كلامك ليه…بيخلي الأحلام ورديه
وبسابق عمري ياحبيبي …وأستنى الأيام الجايه
اتكلم ياحبيبي اتكلم…بتخلي العشاق تتعلم
وأنا بسمع منك أنغام…أما عليك ياحبيبي كلام
أحلى كلام

قول كل اللي فبالك قول…ده جمالك شئ مش معقول
وحياتك عندي ياحبيبي عايزه أسمع صوتك على طول
همساتك ياحبيبي رقيقه بتدوب كل الشوق فيها
والكلمه اللي انت بتقولها …ماتقالشي ولااتقال بعديها
اتكلم ياحبيبي اتكلم …بتخلي العشاق تتعلم
وأنا بسمع منك أنغام…أما عليك ياحبيبي كلام
أحلى كلام

ياليالي طولي طولي ياليالي…هاتي عمري من الأول هاتي
ايه أجمل من حبي معايا…همساته دايبه فهمساتي
مش عارفين للحب نهايه…هو احنا عرفناله بدايه؟
اتكلم ياحبيبي اتكلم…بتخلي العشاق تتعلم
وأنا بسمع منك أنغام…أما عليك ياحبيبي كلام
أحلى كلام

2

اتعودت عليك يا حبيبي اتعودت عليك
وبقيت ملك ايديك يا حبيبي وبقيت ملك ايديك
زي الطير ما تعود عشه .. اتعودت عليك
اتعودت الحنان وشعوري بالامان
زي الطير ما تعود عشه .. انا .. انا انا .. اتعودت عليك

انت ما كنتش .. بالنسبه لي .. حبي الغالي
دا انت حياتي .. وربع عمري .. وكل آمالي
وانت سمايا اللي بتحميني
وانت النيل اللي بترويني
وانت النسمه اللي بتحييني
وانا منك .. منك واليك
زي الطير ما تعود عشه .. انا .. انا انا .. اتعودت عليك

آه يا منايا .. وكل رجايا .. من دنيايا
انت لوحدك بين العالم عندي كفايه
عالم تاني بشوفه بقربك
دنيا جديده باطولها بحبك
حب الناس بلمسه من قلبك
والاقيه .. الاقيه جوه عنيك
زي الطير ما تعود عشه .. انا .. انا انا .. اتعودت عليك

3

آخر ليله
وسهرنا لحد الفجر…مافات علينا…وصبح على عنينا
وسهرنا …وأتاري العمر …كان ناسينا…وياريته نسينا
كان الفرح معانا ليلتها…وكان الحب ليلتها تالتنا
وكانت ليله…أحلى ليله
بس ياخسارة ساعتها…قد فرحتنا ساعتها
قلبي كان حاسس ليلتها
ان الليله دي آخر ليله

غريبه ساعات …بتمر الساعات …مالصبح ياعنيه
من قبل ماييجي وأنا حاسه بحاجات …مش عرفه ايه هي
واليوم ده مليانه بالاحساس ده هو
من الصبح قلقانه …قبل ماييجي هو
ماشيه…رايحه جايه…أتزوق دلوقتي ولا بدري شويه
وغريبه غريبه ايه جرالي ايه؟…وايه الحيره ديه وايه الداعي ليها؟
ايه غير لي حالي …أول مره هي يجيني حبيبي فيها؟
وكانت ليله…أحلى ليله
بس ياخسارة ساعتها…قد فرحتنا ساعتها
قلبي كان حاسس ليلتها
ان الليله دي آخر ليله

نصيب…وبيقولوا نصيب…وغنوا في المواويل…على المكتوب ياليل
وعالعين اللي تصيب…نصيب
وتبعد القريب…ويبقى الليل طويل…على المحبوب وويل
ولا يرتاح فيه حبيب …نصيب
واليوم ده حقيقي حلمت ان حبيبي…جم سألوا عليه
رد بصوته عليهم…سألته هتروح ليهم؟…وهتغيب قد ايه؟
قاللي جاي الليله…وفاتت ييجي ميت ليله…على آخر أحلى ليله
وكانت ليله…أحلى ليله
بس ياخسارة ساعتها…قد فرحتنا ساعتها
قلبي كان حاسس ليلتها
ان الليله دي آخر ليله

4

يا قلبي سيبك م الحب سيبك
لا تقول حبيبي ولا حبيبك
يا قلبي سيبك يا قلبي

يا قلبي يا للي اشتريت عذابك
وبعت أجمل أيام شبابك
لو عشت خالي وقفلت بابك

يا قلبي سيبك

يا قلبي مهما تشكي الليالي
وتقول جرى لك والا جرى لي
و مهما تبكي بدمع غالي
لا حد سامعك و لا داري بك
يا قلبي سيبك

يا قلبي سيبك م الماضي كله
و كفاية حيرتك و كفاية ذله
وان حد قال لك عالجب قول له
خليك في حالك وارضى بنصيبك
يا قلبي سيبك

5

اه يا اسمراني اللون .. حبيبي الاسمراني
يا عيوني ناسياكي عيون .. حبيبي الاسمراني
اه يا اسمراني اللون .. حبيبي الاسمراني ..

اه ..تحت الرمش عتاب وحنين وعذاب وعيون ما تنام
اه .. دقت معاك طعم الايام والوقت تغيب يا سلام
جوني .. سالوني .. جاوبتهم عني دموع عيني

من غير لا ميه ولا زاد .. يا حبيبي يا اسمراني
اه يا اسمراني اللون .. حبيبي الاسمراني
اه .. ياللي عيونك شمعه وضحكه وبحر في نسمة صيف
اه .. انت رسيت وانا وسط الشوق حيرانه من غيرمجاديف
جوني .. وسالوني .. جاوبتهم عني دموع عيني
يا طير يامسافر لبعيد .. روح قول للاسمراني
ليه سافر ونسي المواعيد .. يا حبيبي يا اسمراني
اه يا اسمراني اللون .. حبيبي الاسمراني
ليه .. وانت تحب الشوق اكتر مني وقلبك عطشان
ليه .. وانت قايلي ان غبتي يغيب م الدنيا احلى مكان
جوني وسالوني جاوبتهم عني دموع عيني
قالوا وقلت دواي عيون .. حبيبي الاسمراني
بتغرقني بسحر اللون .. يا حبيبي يا اسمراني
اه يا اسمراني اللون .. حبيبي الاسمراني